Senda þetta til Mæðrastyrksnefnd eða Rauða Krossins

Koma þessu beina leið þar sem þörfin er. Það er eina vitið eins og staðan er í dag.

Styrkir stórfyrirtækja til nauðstaddra

Skila þessum peningum til Rauðakrossins

Það á ekki að skila þessum peningum til þeirra sem lögðu þetta til. Þarna voru menn ekki í raunveruleika lífsins heldur í fjármálaflippi og launarugli. Þess vegna á að senda þessa peninga til Rauðakrossins og annara aðila sem þurfa þess. T.d. átti Bjarni Ármannsson ekki að skila peningum til Glitnis heldur til eigenda þess eða samtaka eins og Rauðakrossins. Segjum t.d. ef Bjarni hefði látið 100 milljónir til Rauðakrossins og einhverja peninga hingað og þangað. T.d hefðu verndaðir vinnustaðir gjarnan þegið að fá 10 milljónir hver. Þessir staðir hafa farið rosalega illa út úr þessu bankahruni og framhaldi þess. Reynum nú að hugsa rökrétt og jákvætt.

Guðlaugur Þór hafði forgöngu um styrkina

Þarna er komið fordæmið sem fleiri mættu skoða

Þarna kemur nú fram að þetta var réttur leikur hjá Gunnari að standa við það að boða til kosninga. Segir þetta ekki að það þurfi fleiri að koma í ferlið og skoða sinn feril og bjóða sinn stól. Þetta hlytur að hafa svarað mörgum spurningum sem voru ósvaraðar. Halda þessu áfram þar sem ástæða þykir til.

Kaupþingsmálið vó þungt

Ætlar Davíð Oddson ekki að átta sig á að hann beri ábyrgð á einhverju?

Davíð Oddson verður nú að fara að vakna af sínum væra draum og gera sér grein fyrir því sem hefur breyst í þjóðfélaginu. Þessi laun sem Davíð er með eru þetta há þar sem hann ber ábyrgð. Vinnuframlag hans er ekki í samræmi við ábyrgðina og því launin ekki í samræmi. Miðað við hvernig háttarlag hans er i dag að vilja ekki hætta er sérstakt. Það er greinilega ekki samræmi við svona vinnustað og vinnustaði hins almenna borgara. Að geta sagt að hann hætti ekki. Það eru margir í þjóðfélaginu sem hefðu viljað geta sagt svona en geta ekki. Davíð viltu nú ekki líta í kringum þig og vera í samræmi við aðra í þjóðfélaginu.

Davíð segir ekki af sér

Við höfum verið rænd og höfðum ekkert um það að segja.

Það er aldeilis að þessir háu herrar á þessum háu launum hafa náð að ræna okkur. Voru það ekki þeir sem höfðu há laun vegna álags og ábyrgðar. Þegar á reyndi kom í ljós að það ber enginn ábyrgð. Svo er verið að eltast við fólk sem stendur ekki í skilum við lán eða greiðslur á þjonustu upp á tugi eða hudruði þúsunda. Svo eru þarna miljarðar sem fara út um gluggann og enginn veit neitt og enginn ber ábyrgð. Eru menn hissa á því að fólk verði óánægt?

Milljarðalán án áhættu

Erlendis er okkur ekki treyst!

Þetta er mjög slæmt eins og þetta hefur verið að okkur er ekki treyst erlendis. Það sem allir eru mjög hissa á er að ekki skuli vera neinn ábyrgur. Hvenær á að taka á því að einhver var ábyrgur. Þetta vita allir nema Geir. Reyndar virðist hafa gleymst að segja Agnesi frá þessu líka.

Voru í raun án Seðlabanka

Kæri Geir, veistu af þessu nú?

Þetta hafa allir vitað sem eru eitthvað í samskiptum við erlenda aðila. Það er enginn tryggingaraðili sem treystir okkur íslendingum. Alltaf segist Geir ekki vita af þessu þegar hann er spurður. Ætli það sé búið að segja honum þetta nú?

Neita að tryggja Ísland

Hvernig er með launin í Seðlabankanum?

Á ekki að taka þetta allt og lækka laun Seðlabankamanna? Það er nú bara auðséð framhald. Ganga í málin og ekkert droll. Þetta þarf ekki að taka svona langan tíma.

Laun ráðamanna lækkuð

Hver er tilgangurinn og hver borgar kostnaðinn?

Nú held ég að komið sé nóg. Við eigum ekki að láta svona fréttast frá hinu friðsama Íslandi. Þó mótmælt sé þá þarf það ekki að vera svona heldur að hafa það friðsamlegt. Kæru landar það eru að koma jól og mótmælum á jákvæðan máta.

Rúður brotnar

Ekki skamma þá sem eru að vinna sína vinnu

Hafið í huga að ekki má skamma þá sem eru að afgreiða í bönkum. Það er einmitt mjög góð umfjöllun um þetta hjá Kolbrúnu Baldursdóttur. Lítum okkur nær og hugum að því að við getum verið í þeirri aðstöðu að vinna í banka og verið fórnarlömb þeirra sem ráða ferðinni.

Allir róa í sömu átt