Hver er tilgangurinn og hver borgar kostnaðinn?

Nú held ég að komið sé nóg. Við eigum ekki að láta svona fréttast frá hinu friðsama Íslandi. Þó mótmælt sé þá þarf það ekki að vera svona heldur að hafa það friðsamlegt. Kæru landar það eru að koma jól og mótmælum á jákvæðan máta.

Rúður brotnar

Athugasemdir

[Katrín Snæhólm Baldursdóttir, 18.12.2008 kl. 11:12]

Friðsöm mótmæli hafa verið undanfarnar 10 vikur....en engin viðbrögð og ekkert gerst nema spillingin heldur áfram og ráðamenn brosa breitt hvar sem til þeirra sést meðan fólkið í landinu hangir á örvæntingarbrún vitandi það eitt að ástandið er bara að versna og versna og ráðamenn algerlega vanhæfir að taka á ástandinu. Hvar er hátekjuskatturinn? Hvenær á að snúa að þeim sem urðu valdir að þessum hrikalega skaða og arðrændu þjóðina?? 

Lestu þetta..ég er hrædd um að ástandið muni ekki verða neitt friðsamara úr þessu.

 http://eyjan.is/goto/sme/

[Nonni, 18.12.2008 kl. 11:13]

Tryggvi Jónsson segir af sér daginn eftir mótmæli í Landsbankanum, nú skal Jónas segja af sér. Þú borgar kostnaðinn. 2 krónur fyrir mótmæli, a.m.k. 2000000 krónur fyrir vanhæfni FME.

Það koma ekki jól hjá öllum og það er eins gott að átta sig á því. Þetta fólk veit nákvæmlega hverju er um að kenna. Hvernig væri að vakna, því það verður eins komið fyrir flestum eftir nokkra mánuði.

[Bara Steini, 18.12.2008 kl. 11:20]

Það eru einmitt ekki gleðileg jól hjá mörgum.

Friðurinn er úti.

[Púkinn, 18.12.2008 kl. 11:34]

Það eina sem svona aðgerðir leiða af sér er að þær gefa stjórnvöldum afsökun til að kalla mótmælendur "skríl" og taka ekkert mark á þeim.

[Eggert. (IP-tala skráð) 18.12.2008 kl. 11:36]

Hver er tilgangurinn og hver borgar kostnaðinn? 

Helgi. þú spyrð hver sé tilgangurinn. Ertu virkilega ekki að fylgjast með féttum. Ísland er gjaldþrota. FME skeit upp á bak í því sukki öllu sama. Í mínum huga á FME míkinn þátt í því hversu alvarleg staðan er. Ertu virkilega sáttur með störf FME??? Ég held að flestallir séu það ekki og reiðin beinist gegn FME. Svo ertu að væla yfit því að rúður hafi brotnað. Ertu að grínast. Atvinnuleysi er komið yfir 9000 manns. Fólk er að fara í burtu, lánin að hækka og kaupmáttur að hrynja og þú vælir yfir brotnum rúðum. Ætli það verði ekki almenningur sem borgar rúðurnar og allt sukkið. Er það ekki alltaf þannig.

[Eva Hauksdóttir (IP-tala skráð) 18.12.2008 kl. 12:40]

Tilgangurinn með aðgerðinni var sá að krefjast þess að stjórn Fjármálaeftirlitsins segi af sér. Tilgangurinn með rúðubrotinu var sá að koma því til skila að það sé ekki hægt að vernda vanhæfa stjórnendur frá því að heyra skilaboðin, með því að læsa dyrum. Þeir skulu hlusta og þeir skulu bregast við.

[Eggert (IP-tala skráð) 19.12.2008 kl. 11:20]

Sífellt fleiri leita aðstoðar vegna Kreppunnar.

Jólaúthlutun Hjálparstarfs kirkjunnar, Reykjavíkurdeildar Rauða kross Íslands og Mæðrastyrksnefndar Reykjavíkur stendur nú yfir. Sendingar út á land eru farnar og fólk af höfuðborgarsvæðinu fær úthlutað í húsnæði Straums í Borgartúni 25. 44% aukning hefur orðið í umsóknum um aðstoð, um 2300 fjölskyldur um allt land fá aðstoð nú en voru 1597 í fyrra. Varlega áætlað má reikna með 2,5 einstaklingum á bak við hverja umsókn sem þýðir að 5.750 einstaklingar njóti aðstoðar.