Hvernig er með launin í Seðlabankanum?

Á ekki að taka þetta allt og lækka laun Seðlabankamanna? Það er nú bara auðséð framhald. Ganga í málin og ekkert droll. Þetta þarf ekki að taka svona langan tíma.

Laun ráðamanna lækkuð

Athugasemdir

[Sigurbjörg, 28.12.2008 kl. 14:02]

æææ heldurðu að yfirmenn Seðlabankans, stjórn og bankastjóri hafi efni á að lækka í launum, eða þá topparnir í Fjármálaeftirlitinu?  Held varla, amk hef ég ekki séð neitt um að það eigi að lækka við neinn af þeim,  lág laun HLJÓTA að vera ástæðan.

[Ólöf de Bont, 28.12.2008 kl. 15:34]

Helgi, ekki ímynda þér að launin lækki í Seðlabankanum, lífstíll stjóranna er það dýr að þeir færu á rúllandi hausinn.

[Stefán Lárus Pálsson (IP-tala skráð) 28.12.2008 kl. 18:03]

Seðló er athvarf "hinna ósnertanlegu". Seðló er ruslatunna fyrir aflóga stjórnmálamenn og flokksgæðinga,em þjást af siðferðilegri örkumlun á hæsta stigi, ásamt krónísku mikilmennskubrjálæði. Helstu einkenni eru: Að finnast þeir standa ofar öðrum landslýð. Að eiga heimtingu á margfalt hærri launum en annað skrifstofufólk hjá ríkinu, ásamt ævintýrlegum eftirlaunarétti, sem þeir samþykkja sjálfir áður en þeir skjótast af alþingi og upp á efstu hæð Seðló í Svörtuloftum á Arnarhóli. Að telja sig ekki bera ábyrgð á orðum sínum og gjörðum og neita alfarið að svara spurningum ef eftir er leitað. Að þjóðinni sem er atvinnuveitandi þeirra og launagreiðandi komi það alls ekki við hvað þeir gjörðu, eða gerðu ekki þegar þeir hefðu átt að gera eitthvað. Að telja sig  alltaf hafa rétt fyrir sér að eigin áliti, hversu fjarstæðukennt það er. Kjörorð þessa hóps er:" Vér einir vitum"! Nei ágæta fólk, það má ekki lækka laun þessara preláta, og krefjast hærra framlags frá þeim í okkar sameiginlega sjóð, þó árangur þeirra í starfi sé forkastalega aumur, svo brottrekstur sé meira en  réttlætanlegur. Þeir munu streitast víð að sitja þarna öll hirðin og kóngurinn, friðhelg í skjóli Geirs Hilmars Haarde, því hann brestur dug og þor til að gera hreint í Seðló, "Flokksins vernda". Kóngurinn í Svörtuloftum hefur þvílíkt hreðjatak á forystu Sjálfstæðisflokksins, að ekki kemur til greina, að lækka laun toppanna í Seðló. Og Samfylkingin horfir aðgerðalaus á, og þorir ekki enn að láta sverfa til stáls. Á meðan lækka engin megalaun í stjórn Seðlabanka Íslands. Þar ríkja "hinir ósnertanlegu".