Er þetta sagan endalausa

Það er sama hvað er hlustað á og hvaðan það kemur, allir eru að bulla ótrúlega mikið og halda að þeim sé trúað. Það er bullið í Geir sem er farið að vera þreytandi. Þessir kvenbankastjórar og þetta virðist vera sagan endalausa. Þegar er skoðað aftur í tímann hve allt var flott á að líta. Sjá eftirfarandi viðtal.

http://vefmidlar.visir.is/VefTV/?channelID=&programID=b2fab606-e8f9-4500-a4d9-15008d8978da&mediaSourceID=4b8342d2-6d57-4144-8b62-3d3067588513

Kreppan getur dýpkað

Er ríkisstjórnin að viðurkenna eitthvað sem við eigum ekki skilið?

Vaknið nú af ykkar væra draum og þó fyrr hefði verið. Þeir sem eru í erlendum viðskiptum vita að ólögin sem Bretar settu á okkur hafa kostað okkur mikið fjármagn. Þetta vita allir nema Geir Haarde. Það kom fram þegar fréttamaður spurði Geir út í kostnað sem hafi bitnað á okkur íslendingum sökum þess sem Bretar gerðu með lögum sýnum. Þá sýndi Geir þeim fréttamanni þá ósvífni að þykjast ekki vita hvað hann var að tala um. Það vita það allir sem eru komnir yfir fermingu að Bretar hefðu ekki sýnt öllum þessa hlið. Bara svona litlum þjóðum eins og okkur. Það hefur engin áhrif á Brown þó við förum illa út úr þessu. Þegar við erum að versla við erlend fyrirtæki þá er það oft þannig að fyrirtækið fær greiðslu frá tryggingarfélagi sem ábyrgist viðskiptalandið. Ef viðskiptalandið heitir Ísland þá er því ekki treystandi sökum þessara ólaga sem Brown setti á okkur. Þess vegna verðum við Íslendingar að staðgreiða öll erlend viðskipti í dag og jafnvel að greiða áður en varan er framleidd. Nú verða Íslendingar að hreinsa þetta af okkur og vera snöggir að því. Bretar vita þetta, Hollendingar vita þetta o.fl. En Geir virðist ekki vita þetta. Skrýtið!

Fresturinn að renna út

Hvernig er með launin í Seðlabankanum?

Á ekki að taka þetta allt og lækka laun Seðlabankamanna? Það er nú bara auðséð framhald. Ganga í málin og ekkert droll. Þetta þarf ekki að taka svona langan tíma.

Laun ráðamanna lækkuð

Er ekki kominn nægur kostnaður í þetta mál

Ég er eiginlega búinn að fá alveg nóg af þessu máli og þegar menn eru búnir að gera sitt mál upp hvað þarf þá að vera að elta þetta meira. Er ekki rétt að þessu linni og notum fjármagnið sem fer í þetta mál í eitthvað þarfara. Farið nú háu herrar að sinna ykkar skildum og hafið gleðileg jól fyrir alla.

Jón Ásgeir: Ekki sama hver á í hlut

Hver er tilgangurinn og hver borgar kostnaðinn?

Nú held ég að komið sé nóg. Við eigum ekki að láta svona fréttast frá hinu friðsama Íslandi. Þó mótmælt sé þá þarf það ekki að vera svona heldur að hafa það friðsamlegt. Kæru landar það eru að koma jól og mótmælum á jákvæðan máta.

Rúður brotnar

Skera niður ferðasjóð ráðherra og þingmanna

Nú á að skera niður ferðasjóð íþróttamanna! Markmiðið er að spara og spara. En þá er spurning hvort ekki megi spara víðar og koma þá upp ferðir ráðherra og þingmanna. Hvað er það stór upphæð sem fer þar í gegn í heildina. Ef skorið væri niður í sama hlutfalli þar og hjá íþróttamönnum þá myndi sennilegast sparast stór upphæð. Hvernig væri að skoða það?

Veljum Íslenskt og gerum betur

Þegar við veljum Íslenska framleiðslu er verið að gera margt fleira í leiðinni en einungis að versla því það kemur svo margfalt inn í kerfið um leið. Þá er greitt fyrir vöru með pening sem skilar sér út í laun til þess sem vinnur við framleiðsluna. Íslensk framleiðsla er að skila til þjóðfélagsins pening sem fer í gegnum kerfið á margan hátt. Því er það aðdáunarvert að vinnustaðir sem eru að framleiða og um leið að útvega þeim vinnu sem eiga erfitt með að fá vinnu annarstaðar. Þessir vinnustaðir eru út um allt land og er hægt að sjá þá á heimasíðnni  hlutverk.is. Sá stærsti þeirra er Múlalunduren þar er unnin vinna af mörgu tagi. Þar er um að ræða pökkun á ýmsu fyrir fyrirtæki og stofnanir. Eins og staðan er í dag er erfitt að fá næg verkefni en það hefur verið þannig að erfitt hefur verið að klára allt sem hefur þurft að gera fyrir jólin. Það eru þrengingar í þjóðfélaginu og verðum við öll að standa saman í því að beina verkefnum á þessa vinnustaði ef möguleiki er á því. Í Múlalundi eru framleiddar möppur og er sennilega vinsælast EGLA bréfabindi. Síðan eru framleiddar möppur úr plasti þar sem hráefnið kemur á rúllum hingað til lands og það er sneitt niður eftir kúnstarinnar reglum og settur pappi innan í þær og plastið soðið utan um möppuna og að lokum eru þær járnaðar. Vinnuferlið við plastmöppur frá Múlalundi er að skila 4 til 5 mönnum vinnu þannig að þegar ein mappa eða einn kassi af möppum frá Múlalundi er seldur þá er sú sala að skila miklum verðmætum til þjóðfélagsins. Þarna er framleiðsla sem skilar sér margfalt fyrir utan það að síðan er einhver einstaklingur sem að lokum kemst aftur út á vinnumarkaðinn vegna þess að þú keyptir eina möppu sem er framleidd í Múlalundi. Þessi eina mappa skilaði 5 manns vinnu, einn þeirra komst út á hinn almenna vinnumarkað og sá einstaklingur lenti kannski í slysi á sínum tima og er búinn að ná sér að fullu, hættur að taka inn meðul, hættur á styrkjum. Hann er orðinn starfsmaður á hinum almenna vinnumarkaði.Húrra við völdum Íslenska framleiðslu og með því unnum við stóran sigur. Það er svo margt fleira sem er framleitt í Múlalundi og má þar nefna sérprentaðar möppur þar sem prentað er í prentsmiðju eitthvað útlit sem er hannað af t.d. auglýsingastofu. Þar eru möguleikar í útliti á möppu óþrjótandi og bara hugarflug hvers og eins sem fær að njóta sín. Þegar nóg er að gera í því að framleiða svona möppur er það að skila 5 stafsmönnum vinnu. Við framleiðum alskonar vasa, umslög og gatapoka af öllum stærðum og gerðum úr plasti og bjóðum upp á að merkja þá framleiðslu eftir óskum hvers og eins. Jafnframt er nokkur aukning í framleiðsu á mottum sem eru notaðar sem músarmottur og mottur sem eru notaðar til að hafa undir þegar fólk er að kvitta í verslunum á miðana úr posunum þegar greitt er með korti. Það er skemmtileg nýjung og hefur verið að aukast sérstaklega fyrir jól að fólk er að láta framleiða nokkur eða jafnvel eitt stykki af músarmottu með mynd af einhverjum úr fjölskyldunni eða einhverjum sem manni þykir vænt um. Framleiddir eru vasar fyrir geisladiska og er hægt að merkja þá. Vinnuumhverfi eins og í Múlalundi byggist upp á því að taka tillit, klappa á bakið og sýna hverjum og einum umburðarlindi og skilning, þannig að hverjum og einum líði vel, nái sjálfstrausti og virðingu fyrir sér og lífinu. Múlalundur verður 50 ára á árinu 2009 og er þá um að gera að fólk reyni eftir fremsta magni að versla við okkur. Þegar fólk hefur hugleitt hvernig hlutirnir hefðu þróast ef ekki hefi verið til Múlalundur og hvað hefði þá orðið um þá einstaklinga sem þangað hafa leitað. Bæði ríkið og Reykajvíkurborg hafa sparað hundruði milljóna á þessum árum sem Múlalundur hefur starfað.

Semsagt veljum Íslenskt og látum það vinna okkur öllum gagn um leið. Þannig náum við okkar markmiði sem er að Múlalundur nái að skapa sem flestum vinnu sem ekki fá vinnu annars staðar.

Kurteysi í mannlegum samskiptum kostar ekkert

Þetta hefðu ekki allir komist upp með en þetta er eins og þegar glæpurinn er nægilega stór þá komast menn upp með hvað sem er. Maður er búinn að vera orðlaus yfir gangi mála undanfarið og hef bara þagað.

Davíð ber fyrir sig bankaleynd

Hver hefði trúað því að seðlabankastjórar væru enn við völd

Hvernig kemst seðlabankastjóri upp með að haga sér eins og hann gerir. Hann kemst upp með að rakka niður ríkistjórn og alla sem eru við stjórn sama hvar það er og svo er bara sagt. Þakka þér kærlega fyrir ráðleggingarnar. Er Davíð svona rosalega misskilinn eða hlusta menn ekki á hann. Svo segir Geir að það hafi ekki verið valdið neinu tjóni fyrir þá sem eiga viðskipti erlendis. Eru þessir menn ekki á jörðinni eða hvað. Hvenær ætli að þeir lendi?

Farið eftir ráðleggingum Seðlabankans

Verður ekki einhver að koma hreint fram?

Er ekki eins gott að forsetinn segi satt og rétt frá. Ekki gerir forsetisráðherra það né nokkur annar ráðherra í ríkisstjórn. Ætla Íslendingar virkilega að fá Breta til að koma með flugflotann sinn hingað á okkar kostnað? Höfum við engann metnað. Hvernig er með samskipti nágrannaþjóðanna. Hollendingar eru að valta svoleiðis yfir okkur og maður finnur fyrir því í erlendum samskiptum. Erlendis er verið að hneykslast yfir því að menn fái að spila áfram með þjóðina og enginn er ábyrgur. Ekki báru þeir ábyrgð sem höfðu háu launin í bönkum okkar. Það er enginn ábyrgur og Seðlabankinn er nú ekki hátt metinn. Við verðum að fara að vakna og gera okkur grein fyrir því að það er nokkuð til í því sem forsetinn er að segja.

Mikið fjallað um ummæli forsetans