Vinna hratt og örugglega að hreinsun

Það er þannig ástandið í þjóðfélaginu að ekki verður séð annað en að hreinsa verði til og það hressilega. Þingmenn mega ekki segja sína meiningu því þá eru þeir ávíttir. Því fleiri sem talað er við þá eru fleiri sem eru grunaðir um að standa ekki rétt að málum. Nú er bara kominn tími til að vel verði hreinsað til í bankakerfinu og þeir látnir vinna þar sem byggja kerfið upp en ekki brjóta það niður. Við megum ekki við svona miklu rugli. Það er ekki liðið að óstarfhæfir aðilar séu látnir vinna að uppbyggingu bankanna þar sem þeir hafa ekki traust til þess. Það verða allir að hafa hreint borð sem vinna við þessa uppbyggingu. Aðrir verða að víkja. Fólk veit ekki í dag hvað það á að gera við sína peninga eða það sem það á eftir. Koma svo og vera snöggir.

Ekki hægt að taka aðra ákvörðun

Ríkisstjórnin sker nú ekki niður hjá sér

Hvernig væri nú að kjör æðstu ríkisstarfsmanna yrðu færð til jafns við kjör annarra. Ríkisstjórnin kláraði svona smá mál. Þetta ætti að vera löngu frágengið og fullklárað. Þetta er bara svo viðkvæmt fyrir suma þar sem þeir tapa á þessu ef þeir klára sína vinnu. Það er það sem dregur framgang þessa máls.

Eftirlaunafrumvarpi flýtt

Ætla Íslendingar aldrei að læra? VAKNA

Hvað eru menn að gera í sínu draumalandi. Ætla menn aldrei að vakna og gera sér grein fyrir því að þetta er alvara. Þetta er ekki leikur lengur. Við verðum að gera okkur grein fyrir því að þessi fjármál, bankamál og fjármál heimilanna er dauðans alvara. Rannsókn verður að fara fram af óháðum aðilum og ekki vera með þetta að það finnist enginn. Þá verður bara að finna og það er hægt. Ekki þetta bull lengur. Fólk er orðið þreytt á því.

Álíta sig hæfa til að rannsaka syni sína

Höfum við Íslendingar ekki metnað og sjálfstæði til að segja nei!

Að sjálfsögðu látum við ekki traðka á okkur. Við förum ekki að greiða
Bretum fyrir það að koma og leika sér á Keflavíkurflugvelli. Ég held að
við höfum nóg annað við peningana að gera. Geir farðu bara heim í
eldhúsið að baka og láttu Össur um að sinna Bretum. Við ætlum ekki að fá
Breta til að koma hingað.  Við ætlum ekki til Bretlands fyrir jólin.
Stöndum nú saman Islendingar og látum þá finna fyrir því að við séum
ekki smápeð sem hefur ekkert að segja. Við þurfum ekki neinar varnir
frá Bretum og höfum ekki þurft á þeim að halda. Látum þá halda sig heima
og ekki orð um það meir. Við hljótum að ráða þessu og segjum nei við því að borga Bretum fyrir það að gera okkur að fíflum. Við ætlum að velja Íslenskt og verum samstíga í því. Íslenskt er best og ódýrast.

Þeir felldu bankana

Lækka úttektarheimildir á kortum eins og hægt er!!!!!!!!!!!!!!!

Nú skilur maður af hverju þarf að lækka úttektarheimildir á kortum. Það kom ekki fram í fréttum að

Úttekarheimild kemur fram sem skuld(binding) hjá viðkomandi banka, þetta er s.s. liður í að minnka „skuldir“.

Þá er þetta hið besta mál og um að gera að lækka þetta.

Til hvers í ósköpunum að lækka það sem þarf ekki að lækka

Til hvers er verið að lækka heimild korthafa þ.e.a.s. þeirra sem nota hana ekki. Þetta er bara brandari. Heimildir hafa verið lækkaðar til samræmis við undangengna notkun korthafa, en var það gert í ljósi aðstæðna. Ég held að það væri nær að lækka heimilir þeirra sem nota óþarflega mikið. Hitt breytir ekki neinu. Ef þetta teljast miklar hagræðingar þá held ég að það þurfi að skoða eitthvað annað en þetta. Það sem þarf að skoða mjög vel er það að t.d. Sjóður 9 hjá Glitni var greinilega ekki notaður samkvæmt reglum sjóðsins. Það á ekki að bitna á þeim sem eru í sjóðnum heldur bankanum. Glitni var treyst fyrir þessu og takið þá ábyrgð á því sem þið takið að ykkur.

Heimildir korta lækkaðar

Ekki skamma þá sem eru að vinna sína vinnu

Hafið í huga að ekki má skamma þá sem eru að afgreiða í bönkum. Það er einmitt mjög góð umfjöllun um þetta hjá Kolbrúnu Baldursdóttur. Lítum okkur nær og hugum að því að við getum verið í þeirri aðstöðu að vinna í banka og verið fórnarlömb þeirra sem ráða ferðinni.

Allir róa í sömu átt

Horfum fram á veginn og stöndum saman

Það sem hefur verið í gangi að undanförnu hefur ekki verið gott og margir búnir að tapa. Ég þekki vel til nema erlendis og ef þeir hefðu séð fram á veginn þá hefðu þeir fært allan pening til sín fyrir nokkru og haldið þannig verðgildi þeirra. T.d. nemar sem hafa reynt að hafa peninga á reikningum hérlendis og hafa verið að taka út eftir þörfum hafa verið að stórtapa. Námslánin eru ekki að standa undir náminu eins og var hugsað. Síðan er það hin hliðin á málunum okkar. Margir sem voru með flotta starfslokasamninga og eru á bak við tjöldin eru þeir sem þurfa að standa fyrir sínu og munu sjálfsagt þurfa að gera. Það getur ekki verið að bankamenn haldi sínum bónus í dag eins og hefur verið. Við þurfum að hafa í huga að þeir sem stjórna eru ekki afgreiðslufólk í bönkum. Það hefur ekkert að segja að skammast í því fólki þar sem það fer einungis eftir því sem þeirra yfirmenn segja þeim að gera. Yfirmenn þeirra eru ekki að standa t.d. í gjaldkerastúkunni. Þeir sem taka ákvarðanirnar eru ekki í afgreiðslunni. Þeir sem lenda í því að vera skammaðir eru bara þeir sem vinna sína vinnu og reyna eins og hægt er. Verum jákvæð. Það er það eina sem við getum gert eins og staðan er í dag. Verslum Íslenskt og stöndum þannig saman.

Bónus ráðleggur fólki að birgja sig upp og kaupa íslenskt!!!!!!!!!!!!!!!

Já nú er ég sammála síðasta ræðumanni sem er Guðmundur Marteinsson, framkvæmdastjóri Bónuss. Hann ráðleggur fólki að kaupa Íslenskt. Þetta er ég búinn að segja í nokkurn tíma og hef þannig vísað t.d. á Múlalund. Við eigum að styðja við bakið á hvorum öðrum og standa þannig saman. Þar sem verið er að styrkja Íslenskt og það að einstaklingar komist út á markaðinn sem fyrst sem hafa orðið fyrir einhverjum áföllum í lífinu það gefu lífinu gildi. Ég eins og margir aðrir biðu eftir ráðleggingum frá þingmönnum í gærkvöldi í sjónvarpinu og það kom ekkert út úr því. Niðurstaðan er semsagt að versla ÍSLENSKT.

Hugleiðingar um Glitni og siðferði í viðskiptum

Þegar sjóður 9 hjá Glitni hefur fjárfest í Stoðum var það örugglega gott og gilt. En þegar á leið hefur greinilega staða Stoða versnað og þá átti Sjóður 9 að losa sig við bréf Stoða. Það er spurning hvort eftirlitið með sjóði 9 hafi fallið og ekki staðið sig í að kippa béfum Stoða nægilega fljótt út. Er það ekki spurning hvort Glitnir eigi að bæta eigendum í Sjóði 9 það tap sem þeir urðu fyrir. Reyndar tel ég það ekki vera spurningu heldur að það sé staðreynd.