Höfum við Íslendingar ekki metnað og sjálfstæði til að segja nei!

Að sjálfsögðu látum við ekki traðka á okkur. Við förum ekki að greiða
Bretum fyrir það að koma og leika sér á Keflavíkurflugvelli. Ég held að
við höfum nóg annað við peningana að gera. Geir farðu bara heim í
eldhúsið að baka og láttu Össur um að sinna Bretum. Við ætlum ekki að fá
Breta til að koma hingað.  Við ætlum ekki til Bretlands fyrir jólin.
Stöndum nú saman Islendingar og látum þá finna fyrir því að við séum
ekki smápeð sem hefur ekkert að segja. Við þurfum ekki neinar varnir
frá Bretum og höfum ekki þurft á þeim að halda. Látum þá halda sig heima
og ekki orð um það meir. Við hljótum að ráða þessu og segjum nei við því að borga Bretum fyrir það að gera okkur að fíflum. Við ætlum að velja Íslenskt og verum samstíga í því. Íslenskt er best og ódýrast.

Þeir felldu bankana

Lækka úttektarheimildir á kortum eins og hægt er!!!!!!!!!!!!!!!

Nú skilur maður af hverju þarf að lækka úttektarheimildir á kortum. Það kom ekki fram í fréttum að

Úttekarheimild kemur fram sem skuld(binding) hjá viðkomandi banka, þetta er s.s. liður í að minnka „skuldir“.

Þá er þetta hið besta mál og um að gera að lækka þetta.

Til hvers í ósköpunum að lækka það sem þarf ekki að lækka

Til hvers er verið að lækka heimild korthafa þ.e.a.s. þeirra sem nota hana ekki. Þetta er bara brandari. Heimildir hafa verið lækkaðar til samræmis við undangengna notkun korthafa, en var það gert í ljósi aðstæðna. Ég held að það væri nær að lækka heimilir þeirra sem nota óþarflega mikið. Hitt breytir ekki neinu. Ef þetta teljast miklar hagræðingar þá held ég að það þurfi að skoða eitthvað annað en þetta. Það sem þarf að skoða mjög vel er það að t.d. Sjóður 9 hjá Glitni var greinilega ekki notaður samkvæmt reglum sjóðsins. Það á ekki að bitna á þeim sem eru í sjóðnum heldur bankanum. Glitni var treyst fyrir þessu og takið þá ábyrgð á því sem þið takið að ykkur.

Heimildir korta lækkaðar

Horfum fram á veginn og stöndum saman

Það sem hefur verið í gangi að undanförnu hefur ekki verið gott og margir búnir að tapa. Ég þekki vel til nema erlendis og ef þeir hefðu séð fram á veginn þá hefðu þeir fært allan pening til sín fyrir nokkru og haldið þannig verðgildi þeirra. T.d. nemar sem hafa reynt að hafa peninga á reikningum hérlendis og hafa verið að taka út eftir þörfum hafa verið að stórtapa. Námslánin eru ekki að standa undir náminu eins og var hugsað. Síðan er það hin hliðin á málunum okkar. Margir sem voru með flotta starfslokasamninga og eru á bak við tjöldin eru þeir sem þurfa að standa fyrir sínu og munu sjálfsagt þurfa að gera. Það getur ekki verið að bankamenn haldi sínum bónus í dag eins og hefur verið. Við þurfum að hafa í huga að þeir sem stjórna eru ekki afgreiðslufólk í bönkum. Það hefur ekkert að segja að skammast í því fólki þar sem það fer einungis eftir því sem þeirra yfirmenn segja þeim að gera. Yfirmenn þeirra eru ekki að standa t.d. í gjaldkerastúkunni. Þeir sem taka ákvarðanirnar eru ekki í afgreiðslunni. Þeir sem lenda í því að vera skammaðir eru bara þeir sem vinna sína vinnu og reyna eins og hægt er. Verum jákvæð. Það er það eina sem við getum gert eins og staðan er í dag. Verslum Íslenskt og stöndum þannig saman.

Bónus ráðleggur fólki að birgja sig upp og kaupa íslenskt!!!!!!!!!!!!!!!

Já nú er ég sammála síðasta ræðumanni sem er Guðmundur Marteinsson, framkvæmdastjóri Bónuss. Hann ráðleggur fólki að kaupa Íslenskt. Þetta er ég búinn að segja í nokkurn tíma og hef þannig vísað t.d. á Múlalund. Við eigum að styðja við bakið á hvorum öðrum og standa þannig saman. Þar sem verið er að styrkja Íslenskt og það að einstaklingar komist út á markaðinn sem fyrst sem hafa orðið fyrir einhverjum áföllum í lífinu það gefu lífinu gildi. Ég eins og margir aðrir biðu eftir ráðleggingum frá þingmönnum í gærkvöldi í sjónvarpinu og það kom ekkert út úr því. Niðurstaðan er semsagt að versla ÍSLENSKT.

Hugleiðingar um Glitni og siðferði í viðskiptum

Þegar sjóður 9 hjá Glitni hefur fjárfest í Stoðum var það örugglega gott og gilt. En þegar á leið hefur greinilega staða Stoða versnað og þá átti Sjóður 9 að losa sig við bréf Stoða. Það er spurning hvort eftirlitið með sjóði 9 hafi fallið og ekki staðið sig í að kippa béfum Stoða nægilega fljótt út. Er það ekki spurning hvort Glitnir eigi að bæta eigendum í Sjóði 9 það tap sem þeir urðu fyrir. Reyndar tel ég það ekki vera spurningu heldur að það sé staðreynd.

Laun í samræmi við árangur er bara bull

Laun stjórnarmanna bankanna er bara bull. Hvernig væri að láta reyna á það og lækka laun stjórnarmanna og yfirmanna bankanna. Það er enginn ánægður með árangurinn og látum það standa að það verði að vera árangur ef launin eiga að haldast. Ríkið á að sjálfsögðu að hlaupa undir bagga en það er spurning hvernig og hve mikið. Allavega er ekki alltaf hægt að ætlast til að Ríkið (almenningur) hlaupi undir bagga þegar eitthvað bjátar á. Það er nú ekki svo langt síðan við þurftum að leysa Flugleiði undan bagga skulda. En þegar stjórnendur taka bara við launum en þurfa ekki að hafa áhyggjur af árangri þá eru hlutirnir ekki að ganga upp.

Á ég núna banka??????

Núna verður að taka til í öllu sem heitir laun og sposlur hjá bankageiranum. Laun yfirmanna bankanna gætu lagað mikið ef þau kæmu niður á jörðina. Hvernig væri nú að yfrimenn bankanna myndu fella niður launagreiðslu sína núna um mánaðarmótin og sýna þannig vilja í verki. Koma svo og allir taki þátt í að spara, spara, spara. Ef þeir myndu allir fella niður launin ein mánaðarmót þá væri það spor í rétta átt. Í framhaldinu þarf að endurskoða samninga við allt þetta fólk og koma því niður á jörðina. Þeir verða líka að spara eins og hinir.

Orkuveitan hækkar verð á heitu vatni

Það er einkennilegt hve hægt og hljótt þessi hækkun hefur runnið í gegn. Það að heitavatnið hækkar er eins og köld gusa í andlitið. Það er hamrað á fólki að spara og spara. Orkuveitan hefði ekki þurft að hækka heldur einungis að líta sér nær og taka til í sínum garði. Fækka veislum og matarboðum. Fækka þjónum og taka aðeins til hjá sér. Það er ætlast til þess að allir geri það í dag og því ekki þarna líka. Sýnið nú smá tillitsemi við Geir Haarde og hlustið á hann. Hann sagði að spara og spara!!!!!!!!!!!!

Framleiða meira, framleiða meira!

Kæru Geir og Steingrímur J. Reynslan hefur kennt manni að stundum eru hlutirnir of nálægt manni. Maður horfir stundum en tekur ekki eftir og er það bara ósköp eðlilegt. Lausnin sem var talað um á Alþingi í dag er að framleiða meira. Til þess að framleiða meira þarf að hamra á að velja það sem er framleitt hér á landi. Þegar þið veljið ykkur möppur af öllum gerðum og stærðum, veljið þið þá frá Múlalundi eða takið þið innflutt? Þarna getið þið stuðlað að því að auka framleiðslu, fjölga störfum og um leið að létta á kerfinu sem veitir styrki til þeirra sem hafa orðið fyrir áfalli. Verslið ykkur nær og látið okkur framleiða með glöðu geði. Verið velkomnir því þið getið gert stórvirki með því að stuðla að því að verslaðar séu vörur frá framleiðslufyrirtækjum eins og Múlalundi. Múlalundur er tilbúinn að framleiða meira af gæða vöru á frábæru verði og allir verða ánægðir. Verið ávallt velkomnir.