Hvar er Davíð Oddson í röðinni

Einhverjir hefðu nú spurt um Davíð Oddsson.

Er hann ekki orðinn rágjafi ríkisstjórnarinnar?

Átti hann ekki að vera í röðinni?

Setning Alþingis hafin

Laun í samræmi við árangur er bara bull

Laun stjórnarmanna bankanna er bara bull. Hvernig væri að láta reyna á það og lækka laun stjórnarmanna og yfirmanna bankanna. Það er enginn ánægður með árangurinn og látum það standa að það verði að vera árangur ef launin eiga að haldast. Ríkið á að sjálfsögðu að hlaupa undir bagga en það er spurning hvernig og hve mikið. Allavega er ekki alltaf hægt að ætlast til að Ríkið (almenningur) hlaupi undir bagga þegar eitthvað bjátar á. Það er nú ekki svo langt síðan við þurftum að leysa Flugleiði undan bagga skulda. En þegar stjórnendur taka bara við launum en þurfa ekki að hafa áhyggjur af árangri þá eru hlutirnir ekki að ganga upp.

Á ég núna banka??????

Núna verður að taka til í öllu sem heitir laun og sposlur hjá bankageiranum. Laun yfirmanna bankanna gætu lagað mikið ef þau kæmu niður á jörðina. Hvernig væri nú að yfrimenn bankanna myndu fella niður launagreiðslu sína núna um mánaðarmótin og sýna þannig vilja í verki. Koma svo og allir taki þátt í að spara, spara, spara. Ef þeir myndu allir fella niður launin ein mánaðarmót þá væri það spor í rétta átt. Í framhaldinu þarf að endurskoða samninga við allt þetta fólk og koma því niður á jörðina. Þeir verða líka að spara eins og hinir.

Orkuveitan hækkar verð á heitu vatni

Það er einkennilegt hve hægt og hljótt þessi hækkun hefur runnið í gegn. Það að heitavatnið hækkar er eins og köld gusa í andlitið. Það er hamrað á fólki að spara og spara. Orkuveitan hefði ekki þurft að hækka heldur einungis að líta sér nær og taka til í sínum garði. Fækka veislum og matarboðum. Fækka þjónum og taka aðeins til hjá sér. Það er ætlast til þess að allir geri það í dag og því ekki þarna líka. Sýnið nú smá tillitsemi við Geir Haarde og hlustið á hann. Hann sagði að spara og spara!!!!!!!!!!!!

Ljósameistara Reykjavíkur

Hvernig er með þessa blessuðu tölvu sem sett var upp til að stjórna umferðarljósum Reykjavíkurborgar. Það er alveg vitað að ef það er sett rusl inn í tölvu þá kemur rusl út úr henni líka. Kæru ljósameistarar sem setjið þetta rusl inn í þessa blessuðu tölvu. Hverni væri nú að aka um götur Reykjavíkur þar sem borgin er nú mjög falleg. Þið ættuð að aka þessar helstu stofnleiðir þar sem það er greinilegt að þið gerið það ekki. Akið stofnbrautirnar og kynnið ykkur ykkar eigið skipulag. Það er búið að kvarta yfir þessu en ekkert gerist. Hvert get ég sent reikninginn fyrir þeim óþarfa kostnaði sem ég verð fyrir af því að keyra um borgina. Þessi blessaða tölva ykkar kostar mig bara pening. Vakna nú og taka til hendinni. Stilla ljósin saman og allir brosa.

Góð fyrirmynd eða slæm

Kæru ráðherrar og þingmenn. Nú hafið þið talað um að spara. Almenningur verður að spara. Framleiða meira hér heima og spara. Herða sultarólarnar og spara. Draga úr innflutningi og spara. Allir eiga að spara og þá sérstaklega almenningur. Ekki hægt að semja við ljósmæður fyrr en seint og um síðir og leggja jafnvel ófrískar konur og þeirra börn í þá aðstöðu að fá ekki fulla þjónustu. En hvað gerist allt í einu. Hverjir eiga að spara. Ekki þingmenn, nei, það kom í ljós að þeir eru ekki í sama hóp og aðrir. Kjararáð hefur ákvarðað forseta, ráðherrum og þingmönnum sína þriðju launahækkun á rétt rúmlega ári. Hækkunin gildir fjóra mánuði aftur í tímann. Hvaða bull er þetta eiginlega. Hvernig er hægt að treysta orðum ykkar. Ná á að spara og sleppa þessum hækkunum ykkar og klárið að leiðrétta lífeyrissjóðreglurnar ykkar. Það gleymdist að meta það til launahækkana og það var engin smá hækkun. En það eru lög sem þið hafið ekki einu sinni vit á að skammast ykkur fyrir.

Sníðið lög og reglur að því sem hentar ykkur best. Áður en þið vitið af eru komnar kosningar og þá verður erfitt að lofa upp í ermar þar sem ekki er hægt að treysta þeim. Lítið fram á veginn og reynið að fara eftir eigin reglum og sparið. Ekki halda að allir séu sofandi í kringum ykkur.

Er ekki í lagi heima hjá þér

Þegar maður er að með barnið sitt í æfingaakstri er alveg ótrúlegt hvað maður lendir í. Það er stóskrítið hvað sumum dettur í hug og þykjast vera með bílpróf í þokkabót.

Í gærkvöldi var ég að aka með dóttir minni sem er að æfa sig og það var ekið niður á Hrafnistu í Reykjavík til að heimsækja móðir mína sem var mjög gaman. Síðan hófst heimferðin. Það var ekið út af stæðinu hjá Hrafnistu. Farið til hægri Brúnaveg og hægri beygja upp Dalbraut. Þar var stefnan tekin á Sæbraut. Þegar átti að taka hægri beygju inn á Sæbraut voru nokkrir bílar fyrir framan og einn fyrir aftan. Sá sem var fyrir aftan tók þá ákvörðun að vera fyrir aftan bíl sem er merktur æfingaakstur væri ekki við hans hæfi. Hann tók framfyrir okkur og svínaði fyrir í beygjunni inn á Sæbrautina. Það var ekki að hún væri lengi að taka af stað heldur einhverjir aðrir kvillar sem hrjáðu manneskjuna sem þarna ók. Ég var mikið að spá í að setja inn númer ökutækisins en ákvað að gera það ekki. Fólk sem ekur svona á ekki að hafa leyfi til þess að leika sér á götum borgarinnar og valda öðrum hættu. Þessi aðili sem þarna ók á framvegis að taka strætó eða allavega ekki að vera undir stýri. Vinsamlegast haltu þig bara heima.

Ljósin á gatnamótum Reykjavíkurborgar

Það er með þessi blessuðu ljós á gatnamótum í Reykjavík.

Það á að vera einhver tölva sem stýrir öllu kerfinu í Reykjavík.

Þegar ekin er Sæbrautin niður  í bæ er alveg óskiljanlegt hvernig hægt er að stilla þetta svona illa saman.

Ég tók sérstaklega eftir þessu um daginn þar sem dóttir mín er með æfingaleyfi í akstri og ég er að æfa hana.

Við fórum Sæbrautina niður í bæ og hún þurfti að stoppa á hverjum og einum ljósum.

Þar var jafnframt olíuflutningabíll sem stoppaði á 3 ljósum en svo jók hann hraðann til að ná rest.

Reykjavíkurborg er semsagt með þessu að hvetja til hraðaaksturs.

Hvað haldið þið að það kosti þjóðfélagið ef þarf að stoppa á öllum ljósum og sérstaklega stórir bílar.

Ég tók enn betur eftir þessu þegar ég sat í bílnum hjá dótturinni. Hún horfði bara á mig og sagði „ég verð að keyra á réttum hraða“

Framleiða meira, framleiða meira!

Kæru Geir og Steingrímur J. Reynslan hefur kennt manni að stundum eru hlutirnir of nálægt manni. Maður horfir stundum en tekur ekki eftir og er það bara ósköp eðlilegt. Lausnin sem var talað um á Alþingi í dag er að framleiða meira. Til þess að framleiða meira þarf að hamra á að velja það sem er framleitt hér á landi. Þegar þið veljið ykkur möppur af öllum gerðum og stærðum, veljið þið þá frá Múlalundi eða takið þið innflutt? Þarna getið þið stuðlað að því að auka framleiðslu, fjölga störfum og um leið að létta á kerfinu sem veitir styrki til þeirra sem hafa orðið fyrir áfalli. Verslið ykkur nær og látið okkur framleiða með glöðu geði. Verið velkomnir því þið getið gert stórvirki með því að stuðla að því að verslaðar séu vörur frá framleiðslufyrirtækjum eins og Múlalundi. Múlalundur er tilbúinn að framleiða meira af gæða vöru á frábæru verði og allir verða ánægðir. Verið ávallt velkomnir.

Hugsum áður en við flautum

Í gær mánudag var ég á leiðinni heim sem er nú ekki merkilegt. En þegar komið var inn á aðrein frá Reykjanesbraut og upp á brúna sem tengir Kópavog og Breiðholt saman var önnur akreinin lokuð sökum malbikunarframkvæmda. Umferðin hægði að sjálfsögðu á sér eins og við er að búast og maður dokaði við. Skyndilega byrjar daman fyrir aftan að flauta. Það skilaði nú engu. Stuttu síðar var aftur flautað þar sem komið var gult og að verða grænt ljós. Hún var greinilega að flýta sér en umferðin gekk ekki hraðar þó flautað væri. Síðan kom gult og rautt og aftur var flautað. Ég var farþegi í bílnum sem var fremstur og ég leit við. Þar var kvenmaður sem baðaði út höndunum sennilega vegna þess að bílstjórinn á bílnum sem ég var farþegi í hafði vit á því að stoppa þegar komið var gult/rautt. Ég gat nú ekki annað en baðað út höndunum á móti og brosað. Aumingjans manneskjan að vera að flýta sér svona. Síðan kom aftur grænt og allir fóru af stað en þegar komið var fram hjá skiltum sem lokuðu akreininni þá ætlaði daman að fara framúr en þá mættu henni skydilega valtari og fleiri tæki og hún hafði vit á því að hægja á sér og forðast þessar vinnuvélar. Ég vildi nú bara þakka þessum starfmönnum sem eru á þessum vinnuvélum fyrir sitt framtak. Ökum varlega og komumst heil heim var einhverstaðar sagt og á það vel við.